MNF-in wireless set chungchang an sawifiah
MNF chuan thuchhuah siamin, Health department-in wireless set an lei chungchang an sawifiah a, Congress ṭhalai chu sorkar thuchhuah ring duh loah an puh.
MNF tarlan danin, Health department wireless set lei chungchangah hian BL Wireless chuan 'Mizoram mipui tan an tih ve theih a ni e' tiin, Health department-in wireless licence a lo neih mai loh avangin Delhi-a an business partner ATLAS Comnet Pvt. Ltd chu zuk be nghalin, an niin WPC hnuaiah Health department frequency hman tur an lo buaipui nghal a ni.
An business partner hi Wireless Planning and Coordination hnuaiah in registered-in Health department Frequency chu KILO band 12.4 to 18.0ghz VHF 136 to174 WPC hnuaiah registered thlap niin frequency hi kum 20 tan fee pek tawh a ni.Wireless equipment lei dawn reng rengin licence neih loh chuan hralh leh lei phal a ni lo a, internet shoping site thenkhata lei mai theih ang hi tuna Health department-in an hman hi a ni lo.
MNF-in MPYCC an chhanna
Diamond Antenna 6 DB Rs. 5500 tih hi Health department-in an hman Sino GPA 6Db 50W Ground plane nen hian a inang lo a, tuna department hman hi diamond vertical zawk a ni a, Cable 30 mtrs-a rawn keng tel bawk a ni.
Handheld xirp 3688 Rs 13,000 man tih hi programming fee leh GST nen Rs.17,500 man a ni.
Vehicle base xirm 3688 Rs.18,500 hi vehicle mounted claim 1.2 db antenna fix hman a ni a, vehicle fitting charge, programming fee leh GST nen Rs. 26,200 a ni.
Repeater Rs. 60,000 tih rik ngawt hi Motorola SLR 8000 100w a ni a, antenna 6db 2piece, antenna cable 30 metre, inverter 2kva, programming fee leh GST nen a vaiin Rs. 2,95,300 man a ni.
Antenna connector base Rs. 850 NC connector a ni lo a, patch cord fiber a nia gold plated UHF/VHF VHF/UHF BNC a hman kawp theih a ni Rs.1,290 man a ni.
Taxation-in tax an cut sak chu a man aṭanga 18% a ni e.