MYC hmalaknate thlirho a ni

Mizoram Youth Commission (MYC) member-te chu nimin khan an chairman Malsawmzuala Ralte kaihhruaiin an ṭhukhawm a, MYC hmalaknate leh hmachhawpte an thlirho. Civil service-a luh tum (aspirant)-te tan one-on-one online mentorship programme neih ṭha an ti.

Ṭhutkhawmah hian MYC kaltlanga ei leh in tur siam leh sawngbawl zirna (food & beverage training) kal mekah trainee mi 26-in hna thawh tur an hmuh tawh thu tarlan a ni. Promotion of Reading Culture Among Mizo Youth Program concept an pawm a; kum 2025-ah banking leh Staff Selection Commission coaching kalpui an rel bawk.