Mizoram Governor tur a lo thleng

Mizoram Governor thar tur Lt.Gen. Nirbhay Sharma chuan nimin khan Aizawl a rawn thleng a, vawiinah Raj Bhavan-ah Mizoram Larsap atan rinawmna thu tiamtira lak luh a ni ang.

Lt.Gen. Nirbhay Sharma hi Lengpui Airport-ah chief minister Lal Thanhawla, Home minister R Lalzirliana, chief secretary Lalmalsawma leh DGP Dharmendra Kumar ten an lo hmuak a; Lengpui Airport kawt­ah guard of honour pek a ni. Lt.Gen. Nirbhay Sharma hi a nupui, a fanu leh a pizawn ten an rawn ṭawiawm a ni.

Lt.Gen. Nirbhay Sharma hian kum 1966-ah army commissioned officer-ah inziak tlingin, sipai a zawm a; kum 40 chhung sipai hotu hna a chelh a, Army headquarters-ah Director General (Perspective Planning) hna a chelh pha a ni.

Kum 2006-a a pension hnuah UPSC member a ni tawh a, May, 2013 khan Arunachal Pradesh Governor atan ruat a ni a, Governor hna a chelh theih hun chhung Mizorama hmang zo tur­in sawn a ni.