Champhaiah buhfai hralh rûk man a ni

Champhai DC H Lalengmawia, Champhai YMA sub-headquarters leh Champhai MJA hruaitute chuan Pathianni zan khan Champhai Supply kudam-a dah tur buhfai hralh rûk ip 113 an man a, a mawhphurtu truck driver pali leh buhfai leitu hmeichhe pakhat an man.

Thudawn danin, Champhai DC, Champhai sub. hqrs. YMA hruaitute leh MJA hruaitute chuan an thu dawn bawhzuiin, buhfai bag hralh rûk hi an chhui a, an hralhnate in aṭangin buhfai chu an la let leh vek a ni. Buhfai hralh rûknaa inhnamhnawihte chu thu ṭha an hrilh hnuah thubuai siamsak loa chhuah an ni.