MoS for Home Kiren Rijiju lo zin dawn

Union minister of state for Home Kiren Rijiju chuan vawiin hian ni hnih chám turin Mizoram a rawn tlawh dawn.

Thu dawn danin, Kiren Rijiju hian Dimapur aṭangin helicopter-in Aizawl a rawn pan dawn a, tlai dar li velah Ṭhuampui helipad a thlen beisei a ni. Tlai dar 5-ah State Guest House-ah thuthar thehdarhtute a kâwm ang a, chumi hnuah Mizoram BJP hruaitute nen Central-a BJP sorkarin kum khat a tlin an lawm dawn a; Home Minister-in zanriah a buatsaihsak ang.

Kiren Rijiju hian naktuk­ah helicopter-in Tlabung a pan ang a, India leh Bangladesh inrìnaa BSF outpost a tlawhin, BSF hotute nen an inkâwm ang. BSF hotute nen an inkawm zawhah India leh Bangladesh insumdawn tawnna tur Kawrpui­chhuah a tlawh ang a, chumi hnuah Mizoram a chhuahsan dawn a ni.