E&F aṭangin Saphu káwr ru chhuak

Kolasib-a Environment & Forest department-in saphu kâwr an man sa, an store room-a an dahṭhat sai-ip 10 chu rûkbo a ni tih May 24, 2015 khan hriat chuah a ni.

Kolasib aṭanga thu dawn danin, Pathianni chawhnu dar 2:45 vel khan Kolasib-a E&F range officer C Lalrinmuana chuan RO Office store room kalhna tala chu a inkalh dan a dik lo tih a hmu a; a thawhpuite leh Kolasib police-te nen an endiknaah sai-ip chhunga Saphu káwr an dah, kg. 279-a rit chu rûk a ni tih an hmuchhuak a ni. Saphu kâwr dahna ipah chuan saphu káwr lem, plastic hmanga siam an dah thung a ni.

Saphu kâwr hi kg. khat Rs. 15,000-a hralh ṭhin a ni a, Kolasib E&F store room aṭanga bo ta chu Rs. 41,85,000 vel; man a ni.