OKD-ISCD leh MIAS inkâwm

Ministry of Human Resource Development hnuaia autonomous research body, OKD Institute of Social Change & Development (OKD-ISCD) Guwahati leh Mizoram Institute of Advance Studies (MIAS) hotute chu nimin khan Mizoram University-ah an inkâwm a, thawhhona turte an sawiho.

Meeting-ah hian OKD-ISCD lam chu director Prof. Bhupen Sharma-a’n a ho a, MIAS lam chu vice chairman Prof. Thangchungnunga’n a ho thung. MIAS hi Mizoram sorkar thlawpna nena Mizote zingah huang hrang hranga research lam buaipui tura pawl din a ni a, chairman chu Lal Thanzara, minister of state a ni.