In rawk tum leh hmeichhe kutthlaktu man

Pathianni zan khan Jerry Ngurthansanga (23), Mamit Field Veng chuan J Chawnghmingthanga te in rawk tumin a luhchilh a, ina awm Chawnghmingthanga fanu kut a thlak. Hei vang hian Jerry Ngurnunsanga hi nimin khan police-te'n an man a, jail-ah dah nghal a ni.

Jerry Ngurthansanga hi Chawnghmingthanga te inah hian bual-in tukverh aṭangin a lut a, mut pindana steel almirah a khawih thawm hriain Chawnghmingthanga fanu kum 13 mi chuan a hmu ta a ni. Jerry Ngurthansanga hian hmeichhe naupang chu a ngawngah rêkin, chemtê nen a vau a; ṭhenawm khawvengte kalkhawm thawm a hriat avangin a tlanbo ta a ni.

Mamit police-te chuan nimin khan Jerry Ngurthansanga chu an man a, tualthah tum thubuai leh thubuai dang pathum an siamsak. Nimin khan Court-ah an hruai a, magistrate phalnain jail-ah dah luh a ni.