COVID-19: Mizoram dinhmun Hripui vei mi 22 hmuh belh a ni

November 30, Thawhṭanni khan Mizoramah swab sample 1,677 endik a ni a, ZMC-ah mi 375, TrueNAT-PCR hmangin district 10-ah mi 183 leh RAT hmangin district 10-ah mi 1,119 endik a ni. Mi 1,677 zingah Covid-19 positive mi 22 an awm.

Covid-19 positive hmuh thar mi 22 zinga 15 chu Mizoram chhunga kai an ni a, mi dang pasarih chu tun hnaia state páwn aṭanga rawn lut an ni. TrueNAT-PCR hmanga hmuh zingah tualchhunga kai an awm loh laiin, RAT-a hmuh chhuahte chu tualchhunga kái vek an ni. Tualchhunga kái zinga pahnih chu hri an kai ṭanna hriat a ni lo a; natna (Covid-19 symptom) lang chhuak mi pathum an awm bawk.

Sorkar thuchhuah tarlan danin, Thawhṭannia ZMC laboratory-a hmuh chhuahte chu mipa pariat leh hmeichhia pathum an ni a, an zingah naupang kum 6, 11 leh 13 mi an tel a, a upa ber chu kum 68 a ni. An zinga paruk chu Mizoram chhunga kái an ni a, mi panga chu state páwn aṭanga rawn lut thar an ni thung.

TrueNAT-PCR hmangin Champhai District Hospital leh Saitual Hospital-ah mi pakhat ve ve hmuh chhuah an ni a, state pawn aṭanga rawn haw thar ve ve an ni. RAT hmanga hripui vei hmuh chhuah thar mi pakuate chu mipa pahnih leh hmeichhia pasarih an ni a, naupang kum 11, 12 leh 13 mi pakhat ṭheuh awmin, a bak zawng puitling an ni a, a upa ber chu kum 76 a ni. An vaiin tualchhunga hri kái vek an ni.

Chaltlang - 6: Mipa kum 6, 11 & 68, hmeichhia kum 13, 17 & 65, inchhungkhat vek. An chenpui zingah +ve hmuh tawh. Symptom nei pakhat a awm.

Nursery Veng - 1: Mipa kum 26. Assam aṭanga haw, quarantine facility-a awm mek, symptom nei lo.

Ramhlun South - 1: Mipa kum 18, tun hnaia Mizoram páwn aṭanga rawn lut a, quarantine facility-a awm mek.

Salem Veng - 1: Mipa kum 20, Meghalaya aṭanga haw. Quarantine facility-a awm lai, symptom nei.

Zokhawsang - 2: Mipa kum 27 & 35. Assam Rifles sipai, tun hnaia Mizoram páwn aṭanga rawn lut, inkhung hrang lai, symptom nei lo ve ve.

TrueNAT-PCR hmanga hmuh:

Champhai Bethel Veng - 1: Mipa kum 35, Manipur aṭanga haw, quarantine facility-a awm lai, symptom nei lo.

Saitual - 1: Mipa kum 19, Meghalaya aṭanga haw, quarantine facility-a awm mek, symptom nei lo.

RAT hmanga hmuh chhuah:

Bawngkawn - 1: Hmeichhia kum 47. Missionary, thla 1 liam taa Tripura aṭanga haw, inkhung hun hmang zo, test negative hnua chhuahtir. A chhuah hnua symptom a neih vanga swab sample test, positive ta a ni. Hri kaina hriat loh.

Sihphir Venghlun - 1: Mipa kum 11. Tualchhunga hri kai, kài ṭanna hriat loh, symptom a nei lo.

Zokhawthar - 3: Hmeichhia kum 26, 46 & 52. Kaina hriat theih, symptom nei lo vek.

Lawngtlai Council Veng - 2: Hmeichhia kum 13 & 45. Kaina hriat, symptom nei lo ve ve.

Thingkah - 2: Mipa kum 41 & 76. Kaina hriat ve ve; kum 41 miin symptom a nei.