Thlai chi li hralh dan tur inhrilhfiah

Lunglei District Agricultural Marketing Committee (DAMC) chuan nimin khan Lungsen RD Block chhunga multipurpose society hrang hrang hruaitute tan Lungsen YMA Hall-ah Bana Kaih policy hnuaia hmunphiah, sawhthing, hmarcha leh aieng hralh dan tur inhrilhfiahna an buatsaih.

Sorkar thuchhuah tarlan danin, Lunglei district-ah hian sawhthing, aieng leh hmarcha chîng khua leh veng hrang hrangah DAMC hriatpui multipurpose society 79 a awm a, hmunphiah ching society 54 an awm. Lungsen RD Block-ah sawhthing, aieng leh hmarcha ching society 11 an awm mek a, hmunphiah ching society pasarih an awm bawk.