World Toilet Day hman a ni

Nimin kha World Toilet Day a ni a; he ni pual hian PHE department leh Central YMA chuan Chaltlang Tourist Lodge-ah hun an hmang a, PHE minister Prof. Lalnilawma'n a hmanpui.

World Toilet Day pual hian sorkar laipui chuan ram pum huapin December 10, 2024 thleng campaign kalpui turin a ruahman a; mimal leh vantlang inthiarna thawm ṭhat leh cheibawl hnate thawkin, ek-in him ṭha pawimawhna uar zawka inzirtirna hun atan hman tum a ni.

Prof. Lalnilawma chuan, fai leh thianghlimna atan sorkar chakna chauh a tawk lo tih sawiin, "Mi tinte'n mawhphurhna kan neih ṭheuh a ni," a ti.

United Nations General Assembly chuan kum 2013 khan November 19 hi World Toilet Day atan a puang a, kumina thupui chu 'Toilets - a place for peace' tih a ni.