Thlipuiin in a tihchhiatte enfiah

Parliamentary secretary K Lalrinthanga chuan May 25 khan a bial, Serlui bial chhunga May 23, 2015-a thlipuiin in a tihchhiatna Phainuam leh Saihapui-V khuate a tlawh a; ṭanpuina a hlan rualin, chhiat tawkte a tawrhpui thu a sawi.

K Lalrinthanga chuan, in chhia senghawi hna leh in chhiate sak ṭhat hna thawktu Phainuam branch YMA hnenah hnatlang thingpui lumna senso atan Rs. 20,000 a pe a; Saihapui-V branch YMA hnenah hnatlangte thipui senso atan Rs. 2,000 a pe bawk.

Phainuamah hian luah zui tlak loh khawpa chhia in pakua a awm a, thawm ṭhat theiha ngaih in chhe dang 11 a awm. Saihapui-V ah chuan in chhe vek pakhat leh thawm ṭhat ngai pangaa awm thung.