Lungleia sorkar hnathawhte thlirlet

Lunglei District Vigilance & Monitoring Committee chu nimin khan an chairman CL Ruala, Lok Sabha MP kaihhruaiin Lunglei Circuit House conference hall-ah an ṭhukhawm a; sorkar laipui scheme leh programme hrang hranga hnathawhte an thlirho.

Meeting-ah hian MGNREGA, IAY, IWMP, PMGSY, NRDWP, NBA, NSAP, RGGVY, scholarship, Upgradation of Merit for ST Students, Vocational Training Centre, Eklavya Model Residential School leh NHM hnuaia hmalakna leh hlawhtlinnate an sawiho a; ṭan lak lehzual dan turte an sawiho bawk.

Meeting-ah hian Lunglei HPC vice chairman S Laldingliana, Lunglei West bialtu MLA Chalrosanga Ralte, West Tuipui bialtu MLA Nihar Kanti Chakma te pawh an tel a; chairman CL Ruala chuan, sorkar laipui scheme khawihtu sorkar department hnathawkte chu ṭan la lehzual turin a chah a ni.