Law Commission an ṭhukhawm

Mizoram State Law Commission chuan nimin khan an chairman John Siamkunga, MLA office-ah meeting vawi 29-na an nei a, dan kaihhnawih thil chi hrang hrang an rel.

Law Commission thurel zingah hian, Mizorama dan hman lai ṭhenkhat ennawn chungchang te, British hun laia dan siam, Mizorama la hmante hman zel a ṭul leh ṭul loh te, India independent hnua sorkar laipui dan siam Mizorama hman theih leh theih loh te, Mizoram sorkar dan siam ennawn leh siam ṭhat ngaite en tura ruatte'n report an siamte an thlirho a ni.

Meeting chuan, Mizoram Legislative Assembly-in dan a siam tawh, ṭangkai tawh lo eng emaw zat a awm niin an hria a, chungte chu titawp turin sorkarah rawtna thlen ni se, an ti a; sorkar laipui dan ‘The Indian Succession Act, 1925' siam ṭhat rawtna chu kaltlangpui turin sorkara thlen an rel bawk.