Champhai Town Vending Committee ṭhu

National Urban Livelihood Mission (NULM) hnuaia Champhai khawpui chhung kawngpui sira inzuar (street vendor)-te ṭanpuina kawnga hma latu tur 'Town Vending Committee' chu nimin khan Champhaia IPR Conference Hall-ah an ṭhukhawm.

Meeting hi Town Vending Committee member-secretary V Lalmuanpuii, Champhai DUDO-in a kaihruai a; The Mizoram Street Vendors Act, 2011-in a ruahman anga kawng sira inzuarte ṭanpuina leh khuahkhirhna dan Town Vending Plan an sawiho.

V Lalmuanpuii chuan, kawng kama thil zawrh chuan mimal eizawnna a siam bakah, khawpuia retheite chawikanna hmanrua pawimawh tak a ni tih a sawi a, chu vang chuan NULM chuan street vendor-te inphona tur hmun bik hauhsak te, awlsam zawka loan an hmuh dan turte ngaihtuahsak bakah, training leh ṭanpuina hrang hrang pek tur a nih thu a sawi.

Meeting-ah hian Champhai Town Vending Plan bakah, kawng sira inzuarte tana awlsam zawka loan lâk theih dan turte an sawiho a; bank aiawha telte chuan street vendor-te chu ṭanpui an inhuam thu an sawi a ni.