Oil & gas zawn hna sawiho

Oil & Gas Mizoram Exploration Review Meeting chu nimin khan Secretariat conference hall-ah neih a ni a, parliamentary secretary (Geology & Mining) Joseph Lalhimpuia'n a hmanpui. Mizorama oil leh gas awm meknaah lungrual tak leh thahnemngai lehzuala thawhho a pawimawh thu sawiho.

Joseph Lalhimpuia chuan, Mizoramah tuialhthei leh gas zawn chhuah tum a ni chu lawmawm a tih rualin, nasa zawk leh chak lehzuala hmalak a beisei thu a sawi a; ONGC hotute chu chak zawka lei verh a nih theih nan hmun hran hrana leiverh hna thawh chu a ruala thawh theih a nih leh nih loh a zawt a ni. Oil zawn hna thawktute chu inkungkaihna ṭha zawka siam tur leh Mizo ṭhalai tam zawk tana hna siamsak turin a ngen bawk.

Meeting-ah hian Geology & Mineral Resources, PWD, Power & Electricity leh Revenue department hotute leh ONGC hotute an tel a ni.