Khawpui fai intihsiakna hnuaiah Champhai khawpui endik a ni

Mizoram khawpui fai intihsiakna kalpui mekah endiktute chuan nimin khan Champhai khawpui an endik.

Mizoram sorkarin endik tura a ruatte hian zing karah khawpui chhung fangin, faina kawnga hmalakna hrang hrang an enfiah a; chumi hnuah Circuit House-ah hmalakna dan inhrilhfiahna leh zawhna leh chhanna hun hman a ni.

Champhai DC Maria CT Zuali chuan, Covid-19 hripui léng karah duh ang taka hmalak harsa mah se, khawtlang hruaitu, tlawmngai pawl, mipui leh media-te’n faina kawnga hmalaknate an thlàwp ṭhat thu a sawi. UDPA officer Vanlal­chhuanliana chuan, faina kawnga UDPA department-in Champhaia hmalaknate a sawi bawk.