Jeje-a'n Remsiami a lawmpui

ZPM Ṭhalai president Jeje Lalpekhlua, MLA chuan thuchhuah siamin, Women's Asian Champions Trophy 2024-a champion India team-a player pawimawh Lalremsiami Hmar chu a lawmpui thu a tarlang.

Jeje Lalpekhlua chuan, hmeichhe hockey-a India, Japan, Malaysia, China, Thailand leh South Korea ramte inelnaa Lalremsiami'n India a champion-pui chu a chhuan thu tarlangin, "Infiamna khawvela Mizoram tihmingṭhatu ni zel tur leh hlawhtlinna sang zawk chang zel turin duhsakna sang ber ka hlan a che," a ti.

ZPM Ṭhalai President chuan, Lalremsiami Hmar, Indian women hockey team innghahna player pawimawh a ni thei chu a chhuan thu a tarlang a; Lalremsiami'n India ram tan vawi 150 a khelh tlin tawh thu leh goal 40 a khung tawh thu te, Women's Asian Champions Trophy 2024 final-a China nen an inkhelhnaah Lalremsiami chu khel ṭha ber - Player of the Match atan thlan a nih thute a tarlang bawk.