Hmeichhiate humhalhna dan zirho

Mizoram State Commission for Women leh Women & Child Deve-lopment-a Champhai District Programme Officer chuan November 20, Nilaini khan Champhai College multipurpose hall-ah hmeichhiate hum-halhna dan leh hmeichhiate hriselna kaihhnawih zirhona an buatsaih a, MSCW chairperson C Zodinpuii'n a hmanpui.

C Zodinpuii chuan, "Hmeichhiate tana danin min humhalhnate leh eng nge an nih tih te, a tuartu emaw, harsatna tawk ni ta ila engtia kalpui tur nge, tihte mi tinin kan hriat chian a ngai," a ti a; hmeichhe jail leh hmeichhe lam buaipui bik police-te bakah, damdawi-inte an tlawh kual thu sawiin "Hengah hian an tlâkbalna leh hmasawn ngaihnate enfiahin, thawm ṭhat dan turte sorkar hnenah thlen a ni tawh," a ti.

Awareness campaign hi Champhai DPO Lalrinmuana'n a kaihruai a, Digital Literacy leh Cyber Security a sawifiah. Chief Legal Aid Defence Counsel C Vanlalruata'n dan thar hnuaia hmei-chhiate humhalhna leh Mizoram Marriage, Divorce and Inheritance of Property Act, 2014 chungchang a sawifiah bawk.