Kawlphethain man hlum

Power & Electricity department-a electrical worker (jugali) Lianrema (46), Mamit Chhimveng chu nimin zing dar 8.30 vel khan Mamit tui lakna electric 11KV line-in a man a, ká chhawn lohin a thi.

Mamit aṭanga thu dawn danin, Thawhlehni chawhma dar 11 aṭangin Mamitah thli tleh vangin power a awm lo a, Thawlheni zan dar 8 vel thleng khan P&E mite’n line an endik. Line chhiatna lai an hmuh loh avangin Lianrema hian nimin zing khan amahin Mamita IPR office thlangah a enfiah leh a, line a enfiahna bula Mamit tui lakna 11KV line aṭanga aluminium leilâwn kawlphetha pûtin a man ta a ni.