June 1 aṭangin kawngpui sira Lirthei dah enfiah dawn

Aizawl Traffic SP, C Lalthanmawia chuan thupek chhuahin, June 1, 2015 aṭangin dan phal loha kawngpui kama lirthei dah leh zan riakte endik beihpuithlak a ni dawn tih a tarlang.

Traffic SP chuan, Aizawl district chhunga lirthei ziah luh tawh MZ-01 F-7188 hnu lam tana lirthei dahna (garage) neih ngei ngeina tur thupek awm sa chu khauh taka kenkawh a nih dawn thu a puang a ni.

Aizawl Traffic SP tarlan danin, Mizoram Motor Vehicle (Amendment) Rules, 2010 angin, lirthei register dawnin garage neih vek tur a ni a; he dan thar kenkawh a nih aṭanga lirthei register hmasa ber, Aizawl district-ah chuan MZ-01 F-7188 hnu lama mite chu lirthei registration tih dawnin garage neia an insawi avanga register sak an ni.

MZ-01 F-7188 chin hnu lama motor register reng reng, garage nei loa kawng kama dah phal lohna hmuna dahte leh zan riaka dahte enfiahna beihpui June 1, 2015

aṭangin traffic police-te’n an thlak dawn a; dan bawhchhia mante lakah ngaihnathiamna awm loin dan anga action lak a nih dawn thu sawiin, Traffic SP chuan dan zâwm ṭheuh turin lirthei neitute a chah.