IMR-ah Saiha dist-in hma sawn lo

Nimin khan Saiha DC Conference Hall-ah Saiha District Vigilance & Monitoring Committee meeting neih a ni a, DLV&MC chairman CL Ruala, Lok Sabha MP-in a kaihhruai. Meeting-ah hian, Saiha district chu nausen thi tam lamah a tlahniam lo a, a pung zel zawk tih tarlan a ni.

Meeting-ah hian Centrally Sponsored Scheme (CSS) khawih department hotute an tel a; kum 2014-15 chhunga quarter hnu­hnung ber, January-March chhunga an hnathawh leh hmalakna hrang hrangte an thlirlet a, ṭan lak dan turte an sawiho nghal a ni.

Meeting-a tarlan dan­in, January-March 2015 chhung khan Saiha district-ah nausen thi 55 an awm a; Saiha district-a Infant Mortality Rate (IMR) chu kum 2014-15 chhunga quarter hrang hrangah a sang ber a, IMR-ah hian hmasawnna a la awm lo chauh ni loin, a sang zawngin a la kal zel a ni.

Saiha DLV&MC Meeting Report
1. 2014-15 last quarter-ah MGNREGA hnuaiah ni li inhlawhna siam a ni.
2. 2015-16 atan BRGF hi tihtawp a ni tawh a, 2014-15 chhunga sum hmuh tur vbc. 11.43 chu 28/08/2014-ah Central-in a rawn pe tawh.
3. PMGSY hnuaia kawng siamte - Kawlchaw-Serkawr leh Siachangkawn-Vawmbûk kawng pavement work atan tender chhuah ṭhat leh a ni.
4. Cheng vbc. 9.41 sênga siam Tuipang Water Supply Scheme zawh tawh a ni.
5. P&E-in Saiha district0a thingtlang khua 16-ah new electrification an zo tawh a, la zawh loh khaw pakhat a awm.