HPC(D) mi pathumte Court-ah inlan

HPC(D) army chief invuah Lalropuia Famhoite, finance secretary Norbar Sanate leh Ngurthan­tluanga Sanate te chu nimin khan Court-ah an inlan leh a; Lalropuia chuan, kumina V/C inthlan dawna Mizoram hmar tlangdunga inthlan boycott tura relnaah a tel ve thu Court a hrilh.

HPC(D) mi pathumte hi April 16, 2015-ah Silchar-ah man an ni a; Lalropuia Famhoite chuan Magistrate zawhna chhangin, Zokhaw­thiang dáia MLA-te lambun chungchang chu a hriatpui lo tih a sawi a; H Zosangbera chu HPC(D) hotu ber niin, a thu an zâwm ṭhin a, mahse, an sipaite thunun zawh loh chang an neih ve ṭhin thu a sawi.

Lalropuia chuan, khaw 31-a V/C inthlan boycott tura HPC(D) Council Meeting-ah a tel a, thutlukna siam ní-ah erawh a tel lo niin a sawi a; kum 2014-a Aizawl hmun hrang hranga bomb puak chu HPC(D)-te tih a ni a, mi thah tumna ni loin, mipui rîkrâp nana tih a nih thu a sawi bawk.