Kulikawn Hospital-ah Emgergency Services leh Dental OPD

Health minister Lal Thanzara chuan nimin Kulikawn Hospital-a Emgergency Services leh Dental OPD siam thar a hawng.

Lal Thanzara chuan, Health department-in hmanrua a tlâkchham leh mamawhte a remchan dan anga ngaihtuah zel a nih tur thu a sawi.

Emergency Services leh Dental OPD hawnna inkhawm hi deputy medical superintendent Dr Lalhmuchuaka’n a kaihruai a; Lal Thanzara chuan, “Thawktute inpekna leh thawhrimna avangin department-in hma a sawn zel a, a lawm­awm hle,” a ti a; Health department-a thawkte chu mi dang tana inpe chhunzawm zel turin a fuih.

Health Minister chuan, tun hnaiah Ai­zawl­a mamawhna a san zawk avangin specialist doctor pakhat Sechhip aṭang­in Aizawlah sawn a nih thu sawiin, “Serchhip tlawm­ngai pawlte’n an hre­thiam lo a, pawi ka ti hle. Serchhip hi an mamawh zawk specialist dang pek tum a ni,” a ti a; Ser­chhip mipuite chu depart­ment hmalakna hriat­thiampui turin a ngen.

Kulikawn Hospital-ah hian hian khum 50 a awm a, Psychiatry, Gyneacology, Paediatric, Dental, General leh Eye department a awm.