UN Security Council Resolution 1325 zirho

Nimin khan Mizoram University-ah United Nations Security Council Resolution 1325 zirhona, international workshop buatsaih a ni a, Law & Judicial minister Lalsawta’n a hmanpui.

Worskhop-ah hian India ram hmun hrang hranga mithiamte’n thu an sawi a; sawiho nghal a ni.

UN Security Council Resolution 1325 hi October 31, 2000-ah UN Security Council-in a pawm a; a tum ber chu - indona leh innghirnghona thlenna hmuna hmeichhiate dinhmun leh tawrhna venna leh chhawmdawlna ngaihtuahsak a ni.

Indona leh inkahna a thlen laia hmeichhiate dikna chanvo humhalh tlat tur te, remna thu sawi lai pawha hmeichhiate telh ve ngei tur leh remna an siam hnu pawha hmeichhiate chunga harsatna a thlen zui loh nana humhim zel turin UN Security Council chuan Resolution 1325 hi a siam a ni.