Engineer 16 thubuai siamsak an ni

28th May, 2015

Kau-Tlabung leh Tuipanglui mini hydel project chhuina kal zelah, Supreme Court-in Mizoram sorkar petition a hnawl hnuah Aizawl district chief judicial magistrate Court chuan tun hnai khan engineer 16-te thubuai a siamsak.

Anti-Corruption Bureau ngenna anga Aizawl CJM Court-in thubuai a siamsakte chu - Power & Electricity department aṭangin - Kau-Tlabung leh Tuipanglui hydel project siam laia chief engineer B Lalrinliana, E-in-C hlui CL Thangliana, SE Ranjit Singh, P&E CE K Guite, EE Thomas Zacharia, assistant engineer K Lalhlunthanga, JE K Lallawmsanga leh JE ZD Lalrotluanga, EE R Lalhlira, SDO R Laltlanthanga te an ni.

PWD aṭangin E-in-C hlui Liansanga, CE Vanlalduhsaka, ADA SE Vulmawia, SE Laldela, Vanlalhruaia leh SDO Lalzawmthanga-te an ni.