Kan ram a dam nan politician-te'n hma kan hruai a ngai - Chief Minister

Chief minister Lalduhoma chuan, Mizoram a dam leh theihna turin politician-te'n hma an hruài a, sorkar hnathawkte'n politician-te an zui a ngaih thu a sawi. Hei hi November 21, Ningani zana Aizawl Harvest Festival bul ṭanna 1st MAP khelmual, Armed Venga a hmanpuinaa a sawi a ni.

Chief Minister chuan, Mizoramin directorate, secretariat leh legislative assembly thleng phak harhna a mamawh thu sawiin, "Kan politician-te bakah sorkar hnathawkte ka sâwm a, a ngenin ka ngen a ni. Kan ram a dam lehna atan politician-te'n hma kan hruài a, sorkar hnathawkte'n min zui a ngai. Kan rama hlemhlêtna a bo theihna tur chuan MLA, minister leh sorkar hnathawkte kan pên a ngai," a ti.

Sorkarah rei lo tê an awm chhung­in mipui vantlangin an hriat phak bâk sualna a hriat tam thu sawiin Lalduhoma chuan, "Dik hauh si lo dik anga kalpui, ngaia neih tawh a tam. Chu'ng siamṭha tur chuan zan khat thil thuah tih rual a ni lo a, zawi zawiin kan ramah danglamna a thleng mek. Siamṭhatna hna a nih chuan kan kal zel dawn a, mite'n min haw mah se kan tîm dawn lo," a ti a; siamṭhat hna an thawhnaah hawtu an tam tawh thu a sawi.

Lalduhoma chuan, Mizoram sualna ngaihtuahin mi tam tak an beidawng niin a sawi a, "Siamṭhat theih a nih pawh ring tawh lo kan awm hial. Ram leh hnam tluchhe tawh siam thar theih tawh loa ngaih, tun din leh kan hmu hnem. Keini aia dinhmun chhiate pawh siamṭhatin an awm," a ti.

CM Duhoma chuan, "Jerusalem tun din a nih dawn a, tung ding tur lo sawi chhia a, 'Anni pawhin an thei chuang lo ang' tite chu Pathianin 'that vek rawh u' a ti. Zo fate hmun hrang hranga mite Jerusalem chu Aizawl a ni," a ti a; Aizawl sualna vei ngai ngawih ngawih vei ṭha duh lote'n Zoram thar an thlen ve loh mai theih thu a sawi.

Jerusalem then thianghlim a nih pawhin a rah a lang nghal duak duak lo tih sawiin Chief Minister chuan, "Sorkar, kohhran leh NGO-te thil tih hi a result a lang duak duak lo, engtik ni-ah emaw chuan a la par chhuak ngei dawn. Beidawnna hi Setana hmanrua a ni a, beiseina hi Pathian hmanrua a ni. Kil tin aṭangin mi hrang hrangin kan ram siamṭhat tumin theihtawp kan chhuah a ni," a ti.