KHAWTHLIR

Journalist thi

Lalhmingmawia Pachuau (63) h/o C Parkimi, Champhai Cable Network neitu leh 'Pasalṭha' chanchinbu editor chu November 21, Ningani zan dar 10:07 khan a thi a, nimin khan vui a ni. MJA Gen.Hqrs chuan media lama an thawhpui Lalhmingmawia Pachuau chu an ui thu an tarlang.

Mizoram Calendar

IPR department chuan Mizoram Calendar 2025 an siam zo tawh. Calendar hi November 26, 2025 aṭangin chawhma dar 10:30 aṭanga tlai dar 4 inkarah Treasury Square-a IPR 'Lianchhiari Rûn' leh district tina IPRO office-ah lei theih a ni a, Rs 70 man a ni.

DC leh SP kâwm

Silchar Mizoram House deputy resident commissioner Lalhmingliana leh YMA, Silchar Branch hruaitute chuan nimin khan Cachar bawrhsap Mrinul Yadav leh SP Numal Mahatta te an pisaah an tlawh a; inkungkaihna leh thawhhona ṭha zawk neih dan tur leh hmalakho dan turte an sawipui.

Ailawng M/S jubilee

Ailawng Middle School chuan nimin khan an kum 50-na, golden jubilee an lawm a, bialtu MLA Lalrintluanga Sailo-in a hmanpui. Bialtu MLA hian thu a sawi bakah, Ailawng M/S jubilee souvenir a tlangzarh a; sikul headmaster hmasa ber K Zoliana'n thu a sawi bawk. Ailawng M/S hi kum 1974-ah din a ni a, zirlai naupang 44 leh thawktu 11 an awm mek a ni.