Vaihlo do ṭhat lawmman

World Health Organisation (WHO) chuan kum tina a tih ṭhin angin, vaihlo dona kawnga hma latu ti ṭha zual, mimal leh pawl anga lawmman dawng tur - World No Tobacco Day 2015 Award dawng turte a puang. Lawmman hi chi hnih - Headquarters World No Tobacco Day 2015 Award leh Regional Director Appreciation Award sem ṭhin a ni a; ISTH Mizoram leh MSTCS-te inkawp chuan Regional Director Appreciation Award a dawng dawn a ni.