Pawl 8-in thisen unit 284 pe

November 23, Inrinni khan pawl pariatin thisen unit 284 an pe. KṬP, Mission Veng Branch-in ZMC tan unit 50 pein, petute mipa 42 leh hmeichhia pariat an ni a; KṬP, Hunthar Veng Branch-in Synod Hospital tan unit 37 an pe a, petute mipa 33 leh hmeichhia pali an ni.

Civil Hospital, Aizawl tan YMA, Bethlehem Vengthlang Branch-in unit 46 pein, petute mipa 39 leh hmeichhia pasarih an ni a; National Cadet Corps-in NCC din champha vawi 76-na pualin unit 50 pein, petute mipa 47 leh hmeichhia pathum an ni. NE Khawdungsei HSS-in unit sarih an pe bawk.

Thingsaia PYD-te'n Lunglei Civil Hospital tan unit 41 pein, petute mipa 27 leh hmeichhia 14 an ni a; Lungleia 2 Mizo Battalion NCC-in CVhristian Hospital-ah unit 22 pein, petute mipa 18 leh hmeichhia pali an ni.

Adventist Youth Federation, Champhai North Circle-te'n District Hospital-ah thisen unit 31 an pe bawk a, petute mipa 26 leh hmeichhia panga an ni.