Mibo thia hmuh a ni

November 16, Inrinni zing khawvar hma deuha Serchhip Zawlpui phaia thlâm aṭanga chhuak, chin hriat loa awm zui ta Lalbiakzova (40) s/o Lalhmunsiami, Keiṭum chu November 23, Inrinni chawhma khan thia hmuh a ni.

Lalbiakzova hi a chhungkhat lainate'n an zawn hmuh zawh loh avangin a bo tûk aṭangin khawtlangin an zawng a, ṭhenawm khuate'n an zawnpui bawk. A bo aṭanga ni sarihna a nih angin Inrinni tlai dar 2 kha a nâwlpuia zawn khârna hun atan ruat a ni a, khârna hun hman hmain thiin an hmu ta a ni. Lalbiakzova hi an thlâm awmna letliam pialtlêpah hmuh a ni a, a tlu sual palh nia rin a ni.