NHM endikna hmáwr bàwk a ni

National Health Mission (NHM) Common Review Mission chuan November 19-13, 2024 chhung khan Mizorama NHM hmalaknate an endik a, November 23, Inrinni khan a hmáwrbàwkna hun hman a ni.

16th Common Review Mission team hi mi 13 niin, doctor vek an ni a, team leader chu Dr Sushil Vimal a ni. NHM, Mizoram hnuaia Lunglei leh Kolasib district-te an endik. November 23 khan DHME Auditorium-ah endikna hmawrbawkna hun hman a ni a, Health secretary Sangchhin Chinzah-in a hmanpui.

Hmáwrbâwkna inkhawm hi NHM mission director Dr Eric Zomawia'n a kaihruai a, Health department leh National Health programme-a thawktu hrang hrangte an tel. Review Mission team member-te'n an zirchianna aṭanga an thil hmuh hrang hrang - NHM-in a tih ṭhatte leh hmasawn ngaihna laite an tarlang a, sawihona hun hman nghal a ni.

NHM Common Review Mission hi Ministry of Health & Family Welfare chuan kum tin India rama NHM hmalakna endikna, thlirletna leh hmasawnna awmte zir chiang tura a din a ni a, zirchianna aṭangin hmalakna ṭha leh hmasawn ngaihnate duan a ni ṭhin.

Kuminah hian endik tura India ram state 17 thlan zingah Mizoram a tel ve a, Lunglei leh Kolasib district-a NHM hmalaknate endik a ni.