FCI-in FCSCA Minister lawmthu hrilh
Food Corporation of India Ltd (FCI) chuan khuarel chhiatna avanga rel kawng chhiain thla thum dawn Mizorama mipui buhfai lak luhna ber a tihbuai chhunga a puihna avangin FCSCA minister B Lalchhanzova hnenah an lawm thu an hrilh.
Supply Minister chungchangah hian FCI chuan, "A hmunah ngeiah Railways department-te hnathawh sâwt zawk nan min nawrpuite leh vawi tam tak Mizo mipuite ṭâm hlaua i beihna hi kan chhuang che," an ti.
FCSCA Minister hian FCI buhfai chhêk khawl dinhmun a venpui tih tarlangin FCI chuan, "Rel kawng siamṭhat a nih vat theih nan theihtawp min chhuahpuina leh rél kawng ṭhat hnua Zoram mipui hmakhua ngai a, buhfai a thlen thuai theih nan hma min lakpui hi kan lawm tak zet," a ti a; an harsatna hrang hrang an thlenah Supply Minister-in hma a lakpui thu an tarlang.
B Lalchhanova enkawlna hnuaia an awm avangin FCSCA department thla a muang nia sawiin FCI chuan, "November 16, 2024 khan buhfai wagon 28 zet kawngah chawlhkar hnih chhung a tangkhang a, DO letter leh phone hmanga North East Frontier Railways, Guwahati-a General Manager hnenah hma min lakpuina zarah rang takin Mizoram a lo thlen theih phah a ni," an ti.
FCI chuan, Mizoram mai ni lo, office lian zawkte pawh a chungah an lawm tih an tarlang a, ram leh hnam tana a inpekna leh hnathawh chhunzawm zel tur leh a kal zelna turah duhsakna an hlan a ni.