Lunglei khawpuia hriattirna pek tawh thingpui dawr 12 enfiah leh a ni dawn

Lunglei District Level Advisory Committee on Safe Food & Healthy Diets chu additional DC James Miahlung kaihhruaiin a pisaah tun hnai khan an ṭhukhawm a; ei leh in siam endik aṭanga hriattirna pek tawh thingpui dawr 12-te'n dan an zawm leh zawm loh enfiah leh an rêl.

Ṭhutkhawmah hian, ei leh in hrisel leh thianghlimna lama hmasawn theihna tura tehfung hrang hrang hmanga Lungleia ei leh in siamna hmunte endik dan report ngaihthlak a ni a, hmachhawpte leh hmalak zui dan tur sawiho a ni. Food Safety Officer-in hriattirna a pek tawh thingpui dawr 12-te'n inkaihhruaina an zawm leh zawm loh enfiah leh ni se, thingpui dawr leh restaurant leh catering la endik lohte pawh endik chhunzawm ni se, an ti.

Committee bultum hian Directorate of Health Services hnuaia Food & Drugs Administration-te nen November 2024 tawp hian Lungleia thingpui dawr, hotel leh restaurant, kawtthlera ei tur zuar, catering leh ei leh in siam/zuarte tan faina, thianghlimna leh hriselna inzirtirna buatsaih tura ruahman a ni a; hemi rual hian food licensing camp neih tum a ni bawk.