Zirlai nei tlem sikulte kaihkawp tum

School Education minister Dr Vanlalthlana School Education minister Dr Vanlalthlana chuan November 22, 2024-a School Education conference hall-a School Education department quarterly review meeting-ah thu sawiin, "Zirna siamṭhat hna thawh mekah naupang nei tlem sikulte chu a remchang apiang kaihkawp tum a ni," a ti.

Dr Vanlalthlana chuan, Sikul endik (inspection) ṭha taka kalpui a pawimawh thu leh ṭan lak a ngaih thu sawiin, "Aikal lak chungchangah sorkar a kal tlang dawn a, sikul sak leh chei ṭhat hnaah a nih dan anga kalpui a pawimawh," a ti a; sikula thawkte'n bialtu DEO hriatpui loh chuan thil tihdanglam a remchan loh thu a sawi.

Education department-a thawktute tan pisaa dawhkan chu an pulpit a nih thu sawiin Minister chuan, "Mizoram hi Pathianin min chawi kân a duh a, kan ram chhunga mi chanhaite chawi kâng turin keini lo hi Pathianin hmanrua a nei lo," a ti.

Review meeting-ah hian School Education department, SCERT, MBSE leh Samagra Shiksha officer-te leh Education Reform Committee member-te an tel a; Education consul-tant Rev. Dr K Thanzauva pawhin thu a sawi a ni.