Hachhek MLA-in pawl leh sorkar thawhpui thiam turin Bru-te a chah

MLA Robert Romawia Royte, MNF Ṭhalai president chuan November 23, Inrinni khan Young Bru Asso­ciation-in Hyve Centre, Aizawla Aizawl Bru Meet an buatsaih a hmanpui a; Mizorama pawl hrang hrangte leh sorkar thawhpui thiam turin YBA member-te a chah.

Robert Romawia Royte chuan, Bru ṭhalaite chu mahni inrintâwkna nei a, taima leh rinawm taka an mawhphurhnate hlen ṭhin turin a chah a; a bial Hachhek huam chhunga Bru awmte nen an hmasawnna tura hmalak dan turte an sawiho zel dawn thu sawiin, harsatna an neih chuan amah hrilh ṭhin turin a chah bawk.

Hachhek bialtu MLA hian November 23 vêk khan Aizawla Tuidam Welfare-in an kum 10 tlin lawmna D&E Picnic Spot-a an buatsaih a hmanpui bawk.