MAL-in 'Pho Chhuah Rûnpui' buatsaih

Mizo Academy of Letters (MAL) chuan MAL diamond jubilee pualin nimin aṭang khan Vanapa Hall-ah 'Pho Chhuah Rûnpui' an buatsaih a, MAL donor member Prof. Laltluangliana Khiangte-in a hawng.

Pho Chhuah Rûnpui hawnna inkhawm hi MAL president Prof. RL Thanmawia'n a kaihruai a; Aizawla lehkhabu dawr 23 leh mimal lehkhabu nei mi 10-in an lehkhabu neihte an pho chhuak a, man tlawm zawka hralh a ni.

Mizo ziakmite kutziak leh hmanraw hlui te, MAL-in Academy Award a lo hlan tawh te, MAL Book of the Year lo dawng tawhte thlalak leh an lehkhabute pho chhuah a ni bawk.

MAL hi April 23, 1964 khan din a ni a, member 500 dáwn an ni tawh a; General Headquarters, Aizawl bakah, joint headquarters pathum leh branch pakhat an nei mek.

MAL diamond jubilee lawmna pui ber chu November 29, 2024 khian Synod Conference Centre-ah buatsaih a ni ang.