Lirtheia chetsualnaah thi

Lalṭhafamkima (26) h/o Thangzamliani, Bawngkawn South chu nimin zing dar 1:35 khan lirtheia an chetsualna avangin a thi.

YMA, Bawngkawn South Branch hruaitute hnen aṭanga Vanglaini thu dawn danin, Lalṭha-famkima hi a ṭhiante nen tumbu khawrh turin maxicab-in an kal a; November 24, Pathianni tlai dar 4 vel khan Lungverh (PTC) thlang deuh kawng thlangah an tlanliam a, metre 100 velah thingin a lo dang.

Chetsualnaah hian Lalṭhafamkima hi a hliam a, Greenwood Hospital panpui a ni a, a hliam tuar loin nimin zing dar 1:35 khan a thi a ni. Motor-ah hian mi pasarih an chuang a, mi dangte pawh hliamin, Lalṭhafamkima nupui Thangzamliani pawh hliam zingah hian a tel a ni.