Hâlpuah leh a neitu man

Aizawl police-te chuan Aizawl District Magistrate-in hâlpuah/ hâlmawi khapna thupek a chhuah bawhzuiin November 23, 2024 khan Khatlaah nu pakhat hnen aṭangin hâlpuah an man.

Police hotute hnen aṭanga thu dawn danin, hâlpuah an man hi bâwm thum a ni a, Rs 2,200 mana chhût a ni. Hâlpuah neitu chu police-in man nghal mah se, bail-in a chhuak leh nghal.

Police-te chuan, hâlpuah leh a kaihhnawih dap chhuah hna ngawrh taka an thawh thu leh an thawh chhunzawm zel dawn thu an sawi a; man ngaia awm lo turin mipui an chah a ni.