Bána Kaih chungchangah thuchhuah siam

Mizoram sorkar flaship programme - Bána Kaih (Hand-holding) Scheme chungchangah Serchhip leh Hnahthial district bawhsapte'n nimin khan thuchhuah an siam.

Serchhip DC Paul L Khuma chuan, Bana Kaih Scheme hnuaia sawhthing, aieng, hmarcha leh hmunphiah leitu/commission agent-te chu District Agriculture Marketing Committee (DC) office-ah inhriattira inziak lut vek tura tih an nih tawh thu leh, in ziah luh theih hun chu November 25, 2024 thleng a nih thu a tarlang a, "DC office-a in register hman lote tan Google form-ah in register theih a ni," a ti.

Hnahthial DC Rita Lalnunmawii Pachuau chuan, District Agricultural Marketing Committee rel angin Bana Kaih Scheme hnuaia Hnahthial district-a sum hman dante a ṭul anga endik tur 'Third Party Audit Issue Team' din a nih thu a tarlang. Team hi Addtional DC-in a kaihruai dawn a, Hnahthial DRDO Project Director, District Cooperative Officer leh Block Development Officer-te chu member an ni.

Bana Kaih Scheme hnuaia thlai thar thlan bik lei leh hralh chungchanga harsatna neite'n an thlenna tur leh lo buaipui turin 'Grievance Redressal Cell' din a nih thu Hnahthial Bawrhsap chuan a tarlang bawk.