October 2024 chhungin Mizoramah zu zuar 555 leh zu rui 70 man an ni

Mizoram Police leh Excise & Narcotics department (END) chuan October 2024 chhung khan Mizoram Liquor (Prohibition) Act, 2019 hnuaiah rakzu litre 4,750.1 an man a, zu zuar 555 leh zu rui mi 70 an man bawk.

Monthly Crime Report-a a lan danin, kumin October thla chhung khan END-in rakzu litre 4,540.1, zu bilhlai ṭin 3,925, zu sakna bel 96 leh zu kaihhnawih lirthei 11 an man. Mizoram Police-in rakzu litre 210 leh zu kaihhnawih lirthei pariat an man bawk.

END-in sapzu chi hrang hrang ûm 4,559 an man a, Police-in ûm 6,092 an man bawk a, a vaiin ûm 10,649 a ni. Sapzu ûm 10,649 zinga 10,536 chu India siam a ni a, ûm 113 chu ram dang siam a ni thung.