Hmeichhe chhawmdawlna in hawng

Hmeichhia, hleilenna tuar leh baihvaite chawmdawlna atana East Lungdara din thar, Gender Resource Centre chu nimin khan East Lungdar BDO Peter Malsawmtluanga'n a hawng.

East Lungdar BDO chuan, sorkar laipuiin hmeichhiate chawikanna kawngah nasa taka hma a lak mek thu sawiin, "Hmeichhiate chunga hleilenna do letna kawngah hian DAY-NRLM, Ministry of Rural Development chuan kum hnih (2022 leh 2023) chhung khan kawng hrang hrangin awareness campaign a lo kalpui tawh ṭhin," a ti.

He project hi kum thum chhung kalpui phawt tura ruahman a ni a, a ṭul anga kalpui zel emaw, tihtawp emaw theih a ni.