ZNP-in police sawn dan an dem
ZNP chuan thuchhuah siamin, November 10, 2014 zan dar 8 vela Home minister R Lalzirliana fapain Hotel Royal, Dawrpuiah buaina a siam vanga man a nih zana Aizawl Police Station-a duty police pasarihte chu sawn chhuah vek an nih thu an tarlang.
ZNP chuan, venghimtu leh dan leh thupek tihlawhtling turte minister fapa buaina siam an man vanga transfer an ni chu vanduaithlak an tih thu sawiin, “Home Minister fapa zu rûiin buaina a siam vanga police-te chunga action lak a ni ta mai hian kan police-te thâ a tiṭhumin rilru a ti ná ang tih kan hlau a, ‘Zawnga tuar ai ngauin a tuar’ ta zawk hi Congress-in police-te kut phuar a phelh ve danah kan ngai,” an ti.