Engineer-te thubuai siamsak vangin lawm

MNF leh MPC ṭhalaite chuan thu­chhuah siamin, Kau-Tlabung leh Tuipanglui mini hydel project chhuina kal zelah Anti Corruption Bureau (ACB) ngenna anga Aizawl CJM Court-in engineer 16-te thubuai a siamsak ta chu lawmawm an tih thu an tarlang.

MPCY chuan, “Mipui pawi khawihtute nia lang chhuina kawngah hum tum zawnga hmalakna awm lo se kan duh tak zet a ni,” an ti a; Mizorama hydel project siamnaah mipuite chan ái ei zotu an awm ngeia an ngaih thu an sawi.

MNYF chuan, “Sorkarin theihtawp chhuaha Departmental Enquiry-a chhui tura ukil pasarih ruai a, Supreme Court thlenga a zualko hi mak kan ti a, corruption a zung nena phoro tumtute tihah chuan âwm lo kan ti tak zet,” an ti a; “Mini hydel project-a kawlphetha siam chhuahna tur khawl lian supply-tu, Pu Lal Thanhawla fapa Pu Thanzauva (L) company Eastern Overseas-te nen agreement an siam dan fel lo leh induhsakna uchuak tak hai lana a awm tur hi lawmawm kan ti tak zet a ni,” an ti.