MSSC-in school sports festival neih a rel

Mizoram State Sports Council chuan nimin khan BS Farm-ah General Body Meeting en nei a, president leh Sports minister Zodintluanga’n a kaihruai. Meeting hian School Games huaihawt an rel.

MSSC General Body Meeting chuan, MSSC president Zodintluanga’n sports discipline hrang hrangah kum tin ṭum khata high school level-a hmun khata Sports Festival neih ṭhin a rawtna chu an pawm a ni.

MSSC meeting chuan, district sports committee kalphung ennawn ni se, a ti a; sport association hrang hrangte inṭâwm theih tur multipurpose hall lian tak pahnih sak an rel. Hockey chu India ramah hmei­chhia leh mipa pawlte an infin tawh avangin Mizoramah pawh infin a, Hockey Mizoram tia a hming vuah an pawm a; association-te sum hmuh tihpun nan plan fund piah lamah kawng zawn ni se, an ti.