Lunglei police-te tan training buatsaih

Deputy Inspector General of Police (Training) thupek angin, nimin khan Lunglei district huam chhunga police thlan bikte tan Lunglei SP conference hall-ah ni hnih awh tur ‘Training on Collection of Intelligence’ neih a ni.

Lunglei SP Zosangliana chuan, khawvel hmasawnna leh danglam dan mil zelin police-te’n intuaithar an mamawh tih sawiin, “Lunglei district chhunga police awmte tana intelligence chungchanga training buatsaih a ni hi a lawmawm hle,” a ti a; police-te chu mipuite rawngbawlna hna an thawhnaah theihtawp chhuah zel turin a chah.