Police-in heroin an man; Heroin man tam ber ṭum

Mizoram Police-a CID Special Branch team chuan Thawhṭanni zan zanlai pelh hnu, nimin zing dar 1 vel khan Ṭhuampui, Aizawlah khawchhak lam aṭanga rawn tlan Bolero MZ-04 A-9872 leh pick-up MZ-06 6021 aṭangin heroin kg. 8.058 (hawng 664) an man.

Police-te chuan heroin kengtu mi pathum, Lalrohnuna Fanai (33) s/o ST Kapa, Tlanghmingthangi (43) d/o Hrangkianlova leh Lalmuanzuala (24) s/o H Bulliana (L), Champhai Tlangsam nia insawite an man bawk a; heroin an man chu tualchhunga hralhna angin Rs 2,41,74,000 hû a ni.

Police hotute chuan, nimin zinga heroin an man hi Mizorama ṭum khata heroin man tam ber record nia an hriat thu an tarlang.