Hâlpuah zuar lo turin ngen

Mizoram Merchant Association (MIMA) chuan thuchhuah siamin, Krismas leh kumthar mi tinin hlim leh hahdam taka an hman theih nan halpuah leh a kaihhnawih thilte la lut lo tur leh zuar lo turin sumdawngte an ngen.

MIMA chuan, "Halpuah leh halmawi hâl hian damlo leh tar chak lote tan harsatna nasa tak a thlen ṭhin a, an tan hun huphurhawm takah a chhuak thei a, boruak a tichhiain mihring tan a hrisel lo hle bawk a ni tih hria a, he ngenna hi tihlawhtling turin MIMA chuan sumdawngte bakah, mi tin kan ngen a ni," an ti.