Constitution Day hman a ni

Nimin November 26 khan India Danpui Ni (Constitution Day) a ni a, Mizoram hmun ṭhenkhatah hman a nio.

Indian Constitution Day hi Mizoram University chuan MZU School of Social Sciences conference hall-ah Department of Political Science huaihawtin an hmang a; MZU pro vice chancellor Prof. Pravakar Rath-a'n a hmanpui. Pro VC bakah, Prof. Srinibas Pathi leh Dr Lallianchhunga ten thu an sawi.

Constitution Day hi Mizoram Hmeithai Association enkawl Residential School for Privileged Children, Luangmual pawhin Nehru Yuva Kendra Sangathan (NYKS), Aizawl bultumin an sikulah an hmang a, bialtu MLA TBC Lalvenchhunga'n a hmanpui. Constitution Preamble chhiar chhuah a ni a, zirlaite'n Jana Gana Mana an sa bawk.