Roll Observer-in Serchhip tlawh

Election Commission of India aiawh electoral roll observer Zodingpuii chuan nimin khan Serchhip a tlawh a; district election officer Paul L Khuma kaihhruaiin DC meeting hall-ah Serchhip DC office, IPRO, BLO, YMA hruaitute leh MJA aiawhte nen an inkâwm.

Zodingpuii chuan, Mizoramah ram dang mi eng emaw zat an awm avangin fimkhur taka thil ti turin thawktute a chah a, ramri dep khuaahte fimkhur lehzual a ṭul thu a sawi.

October 20, 2024-a draft electoral roll tihchhuaha a lan danin, Serchhip district-ah hian vote nei mi 54,658 an awm a, mipa 26,275 leh hmeichhia 28,018 an ni.